Версія для друку
Памер
+
Друк

Канцэпцыя закона аб сацыяльным прадпрымальніцтве прапрацоўваецца ў Беларусі

Праект канцэпцыі закона аб сацыяльным прадпрымальніцтве прапрацоўваецца ў Беларусі, паведаміў карэспандэнту БЕЛТА начальнік упраўлення палітыкі занятасці Міністэрства працы і сацыяльнай абароны Алег Такун.

"У 2017 годзе наш НДІ правёў даследаванне па тэме сацыяльнага прадпрымальніцтва, паколькі яна актуальна ва ўсім свеце. Пасля таго як мы атрымалі вынікі, прапанавалі распрацаваць праект канцэпцыі закона аб сацыяльным прадпрымальніцтве. Пакуль галоўную ролю ў гэтай рабоце адыгрывае Міністэрства працы і сацыяльнай абароны, - расказаў Алег Такун. - У гэтым годзе была створана міжведамасная рабочая група, куды запрошаны калегі з іншых органаў дзяржкіравання, у прыватнасці міністэрстваў эканомікі, фінансаў, па падатках і зборах, аховы здароўя, прыродных рэсурсаў і аховы навакольнага асяроддзя, а таксама прадстаўнікі бізнес-супольнасці і недзяржаўных грамадскіх арганізацый. Цяпер канцэпцыя практычна на выхадзе, абмяркоўваецца на грамадска-кансультатыўным савеце Мінпрацы, а пасля адабрэння накіруем яе ва ўрад з прапановай распрацоўваць ужо ў наступным годзе праект закона".

Паводле слоў прадстаўніка Мінпрацы, сацыяльнае прадпрымальніцтва як з'ява існуе ў Беларусі даволі доўгі час. Шэраг прадпрыемстваў нават спецыяльна ствараюцца для рэалізацыі грамадска-важных і карысных ініцыятыў. Але толькі юрыдычна яны не называюцца сацыяльным прадпрыемствам. "У першую чаргу такі бізнес хоча прызнання, атрымання юрыдычнага статусу. Таму мы прапануем увесці паняційны апарат, тэрміны "сацыяльнае прадпрыемства", "сацыяльны інвестар" і іншыя. Вызначым пералік праблем, якія будуць вырашаць такія прадпрыемствы, і спосабы іх работы. Перш за ўсё гэта пытанні працаўладкавання. Паколькі работа над канцэпцыяй якраз і пачыналася з ідэі выкарыстоўваць сацыяльнае прадпрымальніцтва для ўключэння ў працоўную дзейнасць людзей з інваліднасцю і іншыя слабаабароненыя групы. Потым кола пытанняў, сацыяльных задач стала пашырацца", - адзначыў Алег Такун.

Ён дадаў, што такія прадпрымальнікі нават не просяць асаблівых прэферэнцый, падатковых паслабленняў. Проста ёсць уласнікі бізнесу, для якіх атрыманне прыбытку не з'яўляецца самамэтай, яны могуць сабе дазволіць інвесціраваць сродкі ў сацыяльна значныя ініцыятывы (напрыклад, у паляпшэнне экалагічнай сітуацыі, занятасць тых, каму складана канкурыраваць на рынку працы). Тым не менш глава аб падтрымцы сацыяльнага прадпрымальніцтва ў канцэпцыі ёсць, яна прадугледжвае ў асноўным нематэрыяльныя аспекты.

Навіны Беларусі (БЕЛТА)

Вы можаце знайсці гэту старонку па наступным адрасе:
http://dyatlovo.gov.by/by/republic-by/view/kantseptsyja-zakona-ab-satsyjalnym-pradprymalnitstve-prapratsouvaetstsa-u-belarusi-13816-2019/

© Дзятлаўскі раённы выканаўчы камітэт, 2016
Распрацоўка і падтрымка сайта БЕЛТА