Каранік: аднаўленне мемарыялаў ВАВ забяспечыць захаванне гістарычнай памяці

Аднаўленне мемарыялаў Вялікай Айчыннай вайны дасць магчымасць захаваць гістарычную памяць. Такое меркаванне выказаў старшыня Гродзенскага аблвыканкама Уладзімір Каранік пасля мітынгу і цырымоніі ўскладання кветак, прымеркаваных да Дня абаронцаў Айчыны і Узброеных Сіл, перадае карэспандэнт БЕЛТА.

"У Год гістарычнай памяці мы хочам актывізаваць работу з мемарыяламі і помнікамі, прысвечанымі Вялікай Айчыннай вайне. У планах не проста падтрыманне такіх аб'ектаў у належным выглядзе, але і рэканструкцыя помнікаў, якія час не шкадаваў. Наша задача - захаваць мясціны воінскай славы", - сказаў Уладзімір Каранік.

Частка мемарыялаў будзе адноўлена дзякуючы фонду грамадзянскіх ініцыятыў. Людзі гатовы прыняць удзел у рэканструкцыі і абнаўленні такіх аб'ектаў. "Наша задача як дзяржавы - забяспечыць фінансавую падтрымку, прадаставіць усё неабходнае. Бо гэта мерапрыемствы, якія забяспечаць адзінства нашага народа ў захаванні гістарычнай памяці", - падкрэсліў старшыня Гродзенскага аблвыканкама.

Святы абавязак кожнага беларуса - памятаць аб подзвігу сваіх дзядоў і прадзедаў. Важна перадаць гэту памяць наступным пакаленням, выхаваць сапраўдных патрыётаў, якія і далей будуць ажыццяўляць бяспеку краіны і захаваюць памяць аб не адным пакаленні воінаў, якія сваім жыццём заплацілі за магчымасць жыць у незалежнай краіне, так, як марыць жыць любы народ, - на сваёй зямлі, і з упэўненасцю глядзець у будучыню.

"Сённяшняе свята - свята ўсіх патрыётаў. Гэта свята тых, хто працуе на карысць, на бяспеку нашай краіны - эканамічнай, сацыяльнай, ваеннай. Гэта тыя людзі, для якіх Радзіма не пустое слова", - рэзюмаваў Уладзімір Каранік.

Удзел у традыцыйным мерапрыемстве прынялі прадстаўнікі мясцовай улады, грамадскіх аб'яднанняў, а таксама работнікі прадпрыемстваў, арганізацый Гродна і моладзь.-0-

БЕЛТА - Навiны Беларусi