У ВНУ Беларусі стартуюць унутраныя ўступныя іспыты

У ВНУ Беларусі стартуюць унутраныя ўступныя іспыты, паведамляе БЕЛТА.

Іспыты пройдуць па 2 жніўня ў большасці ВНУ. Па 28 ліпеня яны пройдуць ва Універсітэце грамадзянскай абароны МНС, з 28 па 29 ліпеня - на ваенным факультэце Гродзенскага дзяржаўнага ўніверсітэта імя Янкі Купалы, з 28 ліпеня па 2 жніўня - у вочнай (дзённай) форме атрымання адукацыі па сельскагаспадарчых спецыяльнасцях, у завочнай форме атрымання адукацыі ў ВНУ сельскагаспадарчага профілю экзамены пройдуць з 6 па 15 снежня.

Па 27 ліпеня прадаўжаецца прыём дакументаў ад абітурыентаў на вочнай (дзённай) форме па напрамках адукацыі "Сельская гаспадарка", "Ветэрынарыя", "Рыбная гаспадарка" і "Ахова працы" (за кошт бюджэтных сродкаў і на платнай аснове) і па ўсіх спецыяльнасцях у Ваеннай акадэміі і Інстытуце пагранічнай службы, а таксама на ваенных факультэтах і ваенным інстытуце без права юрыдычнай асобы за кошт бюджэтных сродкаў. У тых, хто паступае на завочную форму атрымання адукацыі ў ВНУ сельскагаспадарчага профілю за кошт бюджэтных сродкаў і на платнай аснове, дакументы прымуць з 15 лістапада па 5 снежня.

У платнікаў, якія не здаюць уступныя іспыты, дакументы ў большасці ВНУ прымаюцца па 9 жніўня, у Акадэміі МУС, Магілёўскім інстытуце МУС, Універсітэце грамадзянскай абароны МНС - па 3 жніўня, у вочнай (дзённай) форме атрымання адукацыі па сельскагаспадарчых спецыяльнасцях - па 10 жніўня, у завочнай форме атрымання адукацыі ў ВНУ сельскагаспадарчага профілю - з 15 лістапада па 5 снежня.

Залічаць бюджэтнікаў у большасці ВНУ па 4 жніўня, у Ваеннай акадэміі, Інстытуце пагранічнай службы, Універсітэце грамадзянскай абароны МНС, на ваенных факультэтах - па 30 ліпеня, у завочнай форме атрымання адукацыі ва УВА сельскагаспадарчага профілю - па 20 снежня. Студэнтаў платнага аддзялення залічэнне адбудзецца па 11 жніўня, у завочнай форме атрымання адукацыі ў ВНУ сельскагаспадарчага профілю - па 20 снежня.-0-

БЕЛТА - Навiны Беларусi