Алімпійскія дні моладзі Гродзенскай вобласці па гандболе праходзяць у Слоніме

Алімпійскія дні моладзі Гродзенскай вобласці па гандболе праходзяць у Слоніме. Аб гэтым карэспандэнту БЕЛТА расказалі ва ўпраўленні спорту і турызму Гродзенскага аблвыканкама. "Сёння дадзены старт спаборніцтвам. У іх прымаюць удзел пяць каманд. Гэта юнакі 2005-2006 гадоў нараджэння з Гродна, Шчучына, Слоніма, Ашмян і Карэліч", - удакладнілі ва ўпраўленні. Гэта адборачныя спаборніцтвы. Яны прадоўжацца да 30 сакавіка. Па выніках гульняў у Слоніме будзе сфарміравана каманда Гродзенскай вобласці, якая 13-18 красавіка будзе змагацца за званне лепшай у Мінску.-0- БЕЛТА - Навiны Беларусi