Багданаў: пачата практычная работа па фарміраванні і рэалізацыі стабфондаў на міжсезонны перыяд

Сустрэча па пытаннях заключэння дагавораў пастаўкі прадукцыі раслінаводства на міжсезонны перыяд 2023-2024 года прайшла ў Гродзенскім райне, перадае карэспандэнт БЕЛТА. Удзел у ёй прыняў міністр антыманапольнага рэгулявання і гандлю Аляксей Багданаў. Сустрэча сабрала прадстаўнікоў гандлёвых аб'ектаў і сельгаспрадпрыемстваў. "Сёння мы пачалі практычную работу з Гродзенскага рэгіёна па фарміраванні і рэалізацыі стабілізацыйных фондаў на наступны сезонны перыяд 2023-2024 года. У Гродзенскай вобласці шмат вырабляецца плодаагародніннай прадукцыі, яна сапраўды высокай якасці, запатрабавана нашым насельніцтвам. І каб забяспечыць рытмічную пастаўку гэтай прадукцыі, не дапусціць яе псавання ў сховішчах, дакладна прывязаць суб'екты гандлю да захавальнікаў стабілізацыйных фондаў, забяспечыць зразумелую і выразную дагаворную работу, рытмічнасць адгрузак, мы загадзя сабраліся тут і абмеркавалі ўсе складаныя пытанні, што ў нас узнікалі ў мінулым перыядзе", - сказаў па выніках сустрэчы міністр антыманапольнага рэгулявання і гандлю Алякснй Багданаў. Кіраўнік МАРГ адзначыў разуменне сітуацыі як вытворцамі, так і гандлёвымі суб'ектамі. "Яны настроены на работу, і з сённяшняга дня пачалі практычна займацца заключэннем дагавораў і распрацоўкай рытмічнасці графікаў пастаўкі прадукцыі на наступны сезонны перыяд, які пачнецца з 1 снежня і завершыцца 1 чэрвеня наступнага года", - сказаў ён. "Мы прывыклі ўжо, што ў рацыёне беларусаў усё больш і больш плодаагародніннай прадукцыі. Мы павінны забяспечыць наяўнасць гэтых тавараў у магазінах круглы год і па даступнай цане. Мы маем намер захаваць тыя ж падыходы, якія былі ў мінулым годзе. Пастанова ўрада поўнасцю рэгулюе дзейнасць па фарміраванні і рэалізацыі стабілізацыйных фондаў", - адзначыў Аляксей Багданаў, падкрэсліўшы, што менавіта гэтыя пытанні і абмяркоўваліся на сустрэчы. Як было агучана, такія сустрэчы пройдуць ва ўсіх абласцях рэспублікі.-0- БЕЛТА - Навiны Беларусi