Акцыя “Нашы дзеці”. У Дзятлаве знайшлі формулу навагодняга настрою

У межах рэспубліканскай акцыі “Нашы дзеці” ў Дзятлаўскім цэнтры культуры і народнай творчасці прайшла дабрачынная раённая ёлка, якая сабрала навучэнцаў усіх школ раёна. Запрашэнне на навагодняе свята атрымалі выдатнікі вучобы, навуковай дзейнасці, юныя спартсмены і творцы, а таксама дзеці з прыёмных, апякунскіх і шматдзетных сем’яў, выхаванцы сацыяльна-педагагічнага цэнтра.